ສະໝັກທຶນ ASJA-MEXTApply for Scholarship
ຂໍ້ລະວັງໃນການສະໝັກທຶນ
- ວັນເວລາຂອງການສອບເສັງ ແລະ ຂະບວນຄັດເລືອກ ASJA-MEXT ສົກປີ 2025 (ໄປຍີ່ປຸ່ນ ປີ 2026) ນັກສຶກສາທຶນລະດັບປະລິນຍາຕີ ແລະ ນັກສຶກສາຄົ້ນຄວ້າ-ປະລິນຍາໂທ ແມ່ນແຕກຕ່າງກັນ.
- ຕ້ອງໄດ້ສະໝັກທຶນ MEXT ກ່ອນ ຈິງສະໝັກທຶນ ASJA-MEXT ໂດຍສົ່ງເອກະສານສະໝັກທາງ Email (ຕ້ອງການລະຫັດເສັງຂອງທຶນ MEXT).
ການສະໝັກທຶນ ASJA-MEXT 2025 ນັກສຶກສາທຶນລະດັບປະລິນຍາຕີ (ຕ້ອງໄດ້ສອບເສັງຜ່ານທຶນ MEXT ກ່ອນ!)
- ເງື່ອນໄຂ, ເອກະສານທີ່ຈະຕ້ອງຍື່ນ ແລະ ຂະບວນການຄັດເລືອກ ແມ່ນອັນດຽວກັນກັບທຶນ MEXT ທີ່ຈັດໂດຍທາງສະຖານທູດຍີ່ປຸ່ນປະຈໍາ ສປປ ລາວ (ລາຍລະອຽດ).
- ທຶນ ASJA-MEXT 2025 ນັກສຶກສາລະດັບປະລິນຍາຕີ 1 ທຶນ ເຊິ່ງຈະມີ 2 ແບບສະໝັກ:
1) ສະໝັກ ແລະ ສອບເສັງຜ່ານໄດ້ທຶນ MEXT ລະດັບປະລິນຍາຕີ ໃນປີ 2025 ແລະ ໄປຍີ່ປຸ່ນ ໃນປີ 2026. ເປັນນັກສຶກສາທຶນ MEXT ລະດັບປະລິນຍາຕີ ສາຍສັງຄົມ (Social Sciences and Humanities A, B) ທີ່ຖືກທາງ ມະຫາວິທະຍາໄລໃດໜຶ່ງ ໃນເຂດຄັນໂຕ (Kanto Area) ຮັບເຂົ້າເຂົ້າສຶກສາໃນຂັ້ນປະລິນຍາດີ ປີທີ່ 1 ໃນສົກປີ 2026, ຈະສາມາດສະໝັກເປັນປ່ຽນເປັນທຶນ ASJA-MEXT ແລະ ໄດ້ຮັບທຶນນັບແຕ່ສົກປີ 2026 (ເລີ່ມສົກຮຽນເດືອນ 4 ປີ 2026) ໂດຍຜ່ານທາງ JAOL ແລະ ສະຖານທູດຍີ່ປຸ່ນ ປະຈໍາ ສປປ ລາວ, ໂດຍພື້ນຖານ ຈະແຈ້ງໃຫ້ຜູ້ທີ່ມີເງືອນໄຂສະໝັກຮັບຮູ້ ແລະ ຮັບສະໝັກຜ່ານທາງສະຖານທູດໃນຊ່ວງລະດູຮ້ອນຂອງແຕ່ລະປີ ອີງຕາມຜົນຂອງການສອບເສັງ.
2) ສະໝັກ ແລະ ສອບເສັງຜ່ານໄດ້ທຶນ MEXT ລະດັບປະລິນຍາຕີ ໃນປີ 2025 ແລະ ໄປຍີ່ປຸ່ນ ໃນປີ 2026. ເປັນນັກສຶກສາທຶນ MEXT ລະດັບປະລິນຍາຕີ ທີ່ຢູ່ໃນຫຼັກສູດປີກຽມ 1 ປີ, ພາຍຫຼັງທີ່ສາມາດສອບເສັງເຂົ້າ ມະຫາວິທະຍາໄລໃດໜຶ່ງ ໃນເຂດຄັນໂຕ (Kanto Area) ຈະສາມາດສະໝັກເປັນປ່ຽນເປັນທຶນ ASJA-MEXT ໃນຊ່ວງເດືອນ 2-3 ປີ 2027, ແລະ ສາມາດຮັບທຶນ ASJA-MEXT ນັບແຕ່ສົກປີ 2027 (ເລີ່ມສົກຮຽນເດືອນ 4 ປີ 2027) ໂດຍຜ່ານທາງ JAOL.
ການສະໝັກທຶນ ASJA-MEXT 2025 ນັກສຶກສາຄົ້ນຄວ້າ-ປະລິນຍາໂທ (ເປີດຮັບສະໝັກແລ້ວ!)
- ເງື່ອນໄຂ, ເອກະສານທີ່ຈະຕ້ອງຍື່ນ ແລະ ຂະບວນການຄັດເລືອກ ແມ່ນອັນດຽວກັນກັບທຶນ MEXT ທີ່ຈັດໂດຍທາງສະຖານທູດຍີ່ປຸ່ນປະຈໍາ ສປປ ລາວ (ລາຍລະອຽດ).
- ຂັ້ນຕອນສະໝັກ:
| ຂັ້ນຕອນ | ASJA-MEXT 2025 ນັກສຶກສາຄົ້ນຄວ້າ-ປະລິນຍາໂທ |
| 1. ກຽມເອກະສານ | ກຽມ ເອກະສານທຶນ MEXT ຕາມການແນະນໍາຂອງສະຖານທູດຍີ່ປຸ່ນ. |
| 2. ສໍາເນົາເອກະສານ | ສໍາເນົາເອກະສານທຶນ MEXT (ໃນຂັ້ນຕອນ 1) ໂດຍການເຮັດເປັນ PDF. |
| 3. ຍື່ນເອກະສານ | - ຍື່ນ ເອກະສານທຶນ MEXT (ໃນຂັ້ນຕອນ 1) ໃຫ້ສະຖານທູດຍີ່ປຸ່ນ, ປິດຮັບສະໝັກ 23/05/2025. - ພ້ອມດຽວກັນນັ້ນ ສົ່ງສໍາເນົາເອກະສານ (ໃນຂັ້ນຕອນ 2) ສໍາລັບທຶນ ASJA-MEXT ສົ່ງທາງ Email ຫາ JAOL ປິດຮັບສະໝັກ 23/05/2025 (ສົ່ງທາງ Email ໄປຫາ scholarship@jaol.org ແລະ CC ຫາ jaol.office@gmail.com). |
| 4. ສອບເສັງ | ສອບເສັງພາກຂຽນ ຈັດໂດຍທາງສະຖານທູດຍີ່ປຸ່ນ. |
| 5. ສໍາພາດ | ສໍາພາດນັກສຶກສາທີ່ສອບເສັງຜ່ານພາກຂຽນ ຈັດໂດຍທາງສະຖານທູດຍີ່ປຸ່ນ ໃນຊ່ວງເດືອນ 06-07/2025. |
| 6. ສໍາພາດ JAOL | ສໍາພາດນັກສຶກສາທີ່ສອບເສັງຜ່ານພາກຂຽນ ຈັດໂດຍທາງ JAOL ໃນຊ່ວງເດືອນ 06-07/2025. |
ຕິດຕໍ່ສອບຖາມ
ຕິດຕໍ່ສອບຖາມທາງ Email : scholarship@jaol.org